ஸ்ரீ பாலா_சரிதம்

ஸ்ரீ மாதா லலிதாம்பிகை                  
பெற்றெடுத்த பிள்ளை-எங்கள் ஸ்ரீ பாலா பெருமைக்கு
நிகர்  எதுவும் இல்லை  !!

பட்டத்து இளவரசி எங்கள்
அன்பு பாலா   -  இந்த
பார்  புகழும் அருளரசி எங்கள் அன்னை  பாலா !!         1

அன்னையவள்   மந்திரமோ
ஸ்ரீ வித்யா வாகும் - அருட்
பிள்ளையவள்  மந்திரமோ
ஸ்ரீ வித்யா பாலா   !!
ஆற்றலிலே லலிதைக்கு நிகர்
எங்கள் பாலா!  -  நல்
ஏற்றமதை வழங்குதில் வள்ளல் எங்கள் பாலா   !!               2

தந்தையின்றி தரணியிலே      
பிறந்த மகள் பாலா  - எம்
சிந்தையிலே  நிறைந்திட்ட
விந்தை மகள் பாலா  !!
ஜபமாலையும்  புத்தகமும்
கையில் கொண்ட பாலா-வீண் ஜபதபங்கள் தேவையில்லை எனச் சொன்னவள் பாலா!! 3

அன்னையோடு போரிட்ட பண்டன்
எனும் அரக்கன் - அவன்
பிள்ளைகளை போர் செய்ய
அனுப்பி வைத்த கிருக்கன் !!
பண்டனவன் பிள்ளைகளோ 
போரிட வந்தார்கள் - பெரும்
சண்டைபோட நினைத்தவர்கள் சத்தம் போட்டார்கள். !!         4

போருக்குச்   சென்றிடவே
பாலாவும் நினைத்தாள்- அங்கு போக வேண்டாம் எனச் சொல்லி தாயவளோ  தடுத்தாள்  !!
சேயவாளோ போய் வருவேன் என்றே அடம் பிடித்தாள்- அன்பு
தாயவளோ மனம் மாறி கவசம் ஒன்று  கொடுத்தாள்  !!       5

சின்ன சின்ன ஆயுதங்கள்
அன்னையவள் தந்தாள்-பாலா சின்னதொரு புன்னகையை
பரிசாகத் தந்தாள்  !!
கர்ணீரதம் என்கின்ற ரதம்
ஒன்றை படைத்தாள் - அதை
கனிவுடனே தன்னுடைய
மகளுக்கு கொடுத்தாள்  !!  6

படைகளுடன்   புடைசூழ
பாலாவும் சென்றாள் - எதிர்
படைகளையே   சிதறடித்து
சிரிப்புடன் வலம் வந்தாள் !!
பண்டனவன் பிள்ளைகளோ
சண்டை போடவில்லை- அங்கு சண்டை  போட நினைத்தவர்கள் உடலில் தலை இல்லை !!      7

கோபத்தோடு   உக்ரகமாக
சண்டையிடுதல் வழக்கம்-பெரும் வேகத்தோடு  போர்புரிதல் பலருக்கும் இங்கு பழக்கம் !!
வீரமோடு   செல்பவர்க்கே
வெற்றி கிடைக்கும் பாராய்-என்று சொன்னவரின் கணிப்புகளை மாற்றி விட்டாள் பாலா  !!      8

சிரித்து கொண்டே போர் புரிந்தாள்
எங்கள் சின்ன பாலா - அந்தச்
சிரிப்பினாலே வெற்றியினை
பரித்துக் கொண்டாள் பாலா
நூற்றி எட்டு சக்திகளும்   போற்றி புகழ் பாட. -- போரில்
வெற்றிக் கொடி நாட்டி விட்டு
தாயிடமே வந்தாள்   !!!          9