புண்ணியம்

ஆத்ம ஞானம்

ஆத்ம ஞானம்

...
ஆத்ம ஞானம்
நவீன உலகம் அறிவது
நான் உடல் அல்ல
நான் மனம் அல்ல
நான் உணர்வு அல்ல
நான் ஒரு உருவம் அல்ல
நான் ஆத்மா..
..
அவ்வளவு தானா
ஆத்ம ஞானம் என்பது..?
..
நீ
உடல் அல்ல
மனம் அல்ல
என்று கூற முடிகிறதே
அப்படியானால்
அந்த
உடல் யார்
மனம் யார்
உணர்வுகள் யார் ???
...
யாரை நீ என்கிறாயோ
அந்த ஆத்மா யார்..
யாரை நீ இல்லை என்கிறாயோ
அவர்கள் யார் ???
...
அவர்கள் ஏன்
ஆத்மாவோடு இணைந்தார்கள்
என்ன காரணம்
அதை அறிவதும்
ஆத்ம ஞானமே
...
ஆத்மாவிற்கு அழிவில்லை சரி
ஏன்
அழியும் உடலோடு மனதோடு
அந்த ஆத்மா இணைந்தது
என்ன காரணம் ???
அறிவதும்
ஆத்ம ஞானமே
...
உலகில் உள்ள
கோடிக்கனக்கான உயிரினங்களில்
மனித பிறவிக்கு மட்டுமே
ஆத்ம ஞானம் தேட
ஏன்
இயற்கை வாய்ப்பு கொடுத்தது ???
..
மனிதன் யார் ..???
...
முட்டும் காளையின் கொம்பில்
பாயும் புலியின் உடலில்
காட்டு அரசன்
சிங்கத்தின் பிடறியிலும்
அமரும் பறவைகள்
ஏன்
மனிதனை கண்டு ஓடுகிறது ???
...
காக்கை கூட
மனிதனை நம்புவது இல்லை
...
பறவைகள் கூட நம்மாத மனிதன் மீது
இறைவன்
என்ன நம்பிக்கை வைத்து
ஆறாவது அறிவை கொடுத்தான்
என்ன காரணம் ???
அறிவதும்
ஆத்ம ஞானமாகிறது
...
மனிதனாக இருந்து கொண்டு
மனிதரையே குறை கூறும் தகுதி
மனிதர்களுக்கு இல்லை
காரணம்
சிறு பறவை கூட
மனிதனை
நல்லவன் என்று
நம்புவது இல்லை..
காரணம் என்ன ???
அறிவதும்
ஆத்ம ஞானமாகிறது
..
என்று
ஒரு பறவை
ஒரு மனிதன் தோளில் மீது
நம்பி அமர்கிறதோ
அந்த மனிதன்
ஆத்ம ஞானம்
அறிந்து விட்டான் ..என்று அர்த்தம்.
...
அதற்கு
அந்த மனிதன்
தன்னை
மனிதன் நிலைக்கு மேலே
தன்னை உணர்ந்து இருக்க வேண்டும்
அதுவும் ஆத்ம ஞானம்
...
தாய் வழி
தந்தை வழி
தன் வழி
உணர்ந்து
இறைவன் வழி கண்டு
ஆத்மாவை உணர்ந்தாலும்
அஃது
முழுமையான ஆத்ம ஞானம்
ஆகாது
...
உயிரின்
மாட மாளிகை யான
உடலை உணர வேண்டும்
ஆட்சியில்
மன்னன் உயிர்
மகாராணி உடல்
இருந்தும்
அதிகாரம் செலுத்தும்
அந்த மனம்
யார் என்று அறியவேண்டும்
...
மன்னனின் சபையிலே
அமைச்சரான அறிவு
அதன் சிம்மாசனத்திலே
அமர்ந்து இருக்கிறதா
அல்ல
மனம் அந்த சிம்மாசனத்திலே
மனம்போல அமர்ந்து இருக்கிறதா
என அறிவதும்
ஆத்ம ஞானமாகிறது
..
உயிர்களின்
உடல் துறித்து
அனைத்து உயிர்களின்
உள்ளே இருப்பது ஒன்றே
அந்த ஒன்றே
உலகின்
ஒன்றின் ஒன்றே
என உணரும் போது
பறவையும்
அருகில் வந்து அமரும்
ஆத்ம ஞானம் மலர்கிறது
...
ஓம் நமசிவாய

சிவ யாத்திரை

சிவ யாத்திரை

....
பிறந்து
தவழ்ந்து
நடந்து செல்லும்
மனிதில்தான்
எத்தனை கனவுகளோ ....

மனதின்
அத்தனை கனவுகளிலும்
அசைபோடும் நினைவுகள்
எத்தனை எத்தனையோ ....

மனதின்
அத்தனை கனவு நினைவு தாண்டி
அந்த அதே மனம்
அந்த மனதின்
மூலமான
உயிரின்
கனவுகளை என்று எட்டுமோ

எட்டினாலும்
மனதிற்க்கு கிட்டுமோ
ஒரு உயிரின்
அந்த உயிரின்
பூமி பயணித்திற்க்கு
காரணமான
உயிரின் கனவுகளை ...

மனம் கனவு கண்டு
அது நினவாகிபோகாமலே
அந்த மனம் சுமந்த
உயிரும் மாண்டே போனாலும் உடல் விட்டு
உருவாக மாறி நடந்த பூமி விட்டு .... .
உயிரும் சுமக்குமே
அறியா பிள்ளையான
அந்த
மனதின் கனவுகளை ...

உயிரின் கனவுகளை
இங்கு
உயிரே நிறைவேற்ற
இறை சட்டம் இல்லை .
உயிரின் கனவையும்
நிறைவேற்றும்
திவ்ய அஸ்திரம் மனமே ...

உயிருக்கு
வேறு வழியே இல்லை
அது
மனதை வைத்தே
பிறந்த உயிரின் கனவின்
மலை ஏறவும் வேண்டும்
என்பதே இறை சட்டம்

ஒரு உயிரின்
கனவுகளை
அந்த உயிரில்
உறவாடும் மனம் அறிந்தால்
அதற்க்கு பிறகு
உதயமாகும்
யாத்திரையே
சிவ யாத்திரை
...
ஓம்
நம ஓம் நமசிவாய

"உனக்குள்ளே ஒரு புதையல்

*"உனக்குள்ளே ஒரு புதையல்"*

ஒரு புதிய ஊரினுள் புத்தர் வந்திருந்தார். அங்கு தனது போதனைகளை வழங்கிக்கொண்டிருந்தார். அப்போது சீடன் ஒருவன் புத்தரை நோக்கி ஒரு கேள்வி கேட்டான்

*“குருவே! உலக மக்களின் வாழ்க்கையாவும் ஒன்றோடு ஒன்று வேறுபட்டது,*
வறியவன் வாழ்வில் சிரமப் படுகிறான்,
செல்வந்தனோ வசதியாக இருக்கிறான்.
*ஆனால் இருவருமே வாழ்வில் தேடுவது மகிழ்ச்சியாகவே இருக்கிறதே ஏன்?”*

புத்தர் அந்த சீடனைப் பார்த்து புன்னகையுடன்,

*“நான் உனக்கொரு கதை சொல்கிறேன் கவனமாகக் கேள்.” என்றார்.*

“சொல்லுங்கள் குருவே!” என்றான் சீடன்.

புத்தர் தொடங்கினார்,

“ஒரு ஊரில், ஒரு தெருவோரத்தில் ஒரு பிச்சைக்காரன் இருந்தான். அவ்வூர் மக்களிடம் இரந்து உண்ணும் அவன், தான் தங்கி, உண்டு, உறங்கும் இடத்தை மிகவும் அசுத்தமாக, கடந்து செல்வோர் முகம் சுளிக்கும்படி வைத்திருந்தான்.

_தெருவில் செல்வோரிடம் கையேந்துவான், பொருளோ, உணவோ கிடைத்தால் மகிழ்வான், ஏதும் கிடைக்கவில்லை என்றால் துக்கத்தில் உழல்வான்._

*ஒரு நாள் அவன் வாழ்வின் கடைசி நாளாக அமைந்தது,*
_இறந்தான். அவனை அப்புறப் படுத்திவிட்டு அவன் தங்கியிருந்த நாற்றம் பிடித்த இடத்தை சுத்தம் செய்ய முனைந்தார்கள் தெரு மக்கள்._

கூட்டிப் பெருக்கியும் நாற்றம் சகிக்கவில்லை, அவன் படுத்திருந்த இடத்தில் அரையடி வரை தோண்டி, மண்ணை அப்புறப்படுத்தினார்கள். நாற்றம் ஒழிந்தது. அவர்கள் தோண்டிய இடத்தில் ஏதோ ஒரு பொருளும் ஒளிர்ந்தது. அப்பொருளை எடுத்துப் பார்த்த மக்கள், அது பொற் புதையல் என அறிந்ததும் அதிசயித்தனர்.

ஒரு புதையல் தனக்கடியே இருந்தது தெரியாமல் வாழ்க்கை முழுதும் இரந்து உண்டானே அந்த பிச்சைக்காரன் என எண்ணி வியந்தனர்.”

என்று தனது கதையை முடித்தார் புத்தர்.

*“நான் கேட்ட கேள்விக்கும் இந்த கதைக்கும் என்ன சம்பந்தம்? புரியவில்லையே குருவே!” என்றான் சீடன்.*

*புத்தர் விளக்க ஆரம்பித்தார்,*

“இந்த கதை ஏதோ ஒரு ஊரில் வாழ்ந்த பிச்சைக்காரனின் கதை அல்ல. வாழ்வில் மகிழ்ச்சியைத் தேடும் அனைவரின் கதையும் இதுவே.

மனிதன் மகிழ்ச்சியை வெளியில் உள்ள ஒரு பொருளிடமோ அல்லது மற்றொரு மனிதனிடமொ தேடுகிறான்.

ஆனால் அவனுக்கு எல்லையற்ற மகிழ்வைத்தரும் பொருள் அவனுள்ளேயே இருப்பதை அறியாமலேயே உலக வாழ்வை முடிக்கிறான்.

நீ கூறிய, வறியவனின் வாழ்வும், செல்வந்தனின் வாழ்வும் அடிப்படையில் வேறுபட்டதல்ல. அந்த வறியவன் செல்வந்தனானாலும், அந்த செல்வந்தன் செல்வாதி-செல்வந்தன் ஆனாலும் அவர்கள் மகிழ்ச்சியை தேடிக்கொண்டேதான் இருப்பார்கள். ஏனென்றால் அவர்கள் தேடுவது வெளியில்.

உன் உள்ளே இருக்கும் மனதை உன்னால் எல்லையற்ற அமைதியில் வைக்க முடிந்தால், அவ்வமைதி கொடுக்கும் ஆற்றலுக்கும் ஆனந்ததிற்கும் அளவே இராது.” என்று முடித்தார் புத்தர்..

*யாதெனின் யாதெனின் நீங்கியான் நோதல் அதனின் அதனின் இலன்* 🍃🌷

நம் நாவில் உலாவும் பலவகையான பேச்சு..

நம் நாவில் உலாவும்
பலவகையான பேச்சு..

1. அன்புப் பேச்சு :
நட்பையும், பாசத்தையும், 
நேசத்தையும் வெளிப்படுத்தி
உறவுகளை தழைக்கச் செய்யும்.
இன்பத்தின் இதய மூச்சு. இரும்புக்கதவையும் திறக்கும் சக்தி

2. அமைதிப் பேச்சு :
  அக்கறையையும், அன்பையும்,
   பிறர் நலனில் ஆர்வத்தையும்
   வெளிப்படுத்தும்

3. ஆலோசனைப் பேச்சு :
  உறவையும், நட்பையும்
  உறுதிப்படுத்தி உயர்வுக்கு
  வழி காட்டும்

4.  ஆணவப் பேச்சு :
  அற்ப சந்தோசத்தை முதலில் தந்து,
   முடிவில் அழிவைத் தந்து விடும்

5. அவமானப் பேச்சு :
  அடுத்தவரை துன்புறுத்தி காயப்படுத்தும்

6. வாழ்த்துப் பேச்சு :
   பேசுபவருக்கும், கேட்பவருக்கும்
    மகிழ்வைத் தரும்

7. மகிழ்ச்சிப் பேச்சு :  
    நிரந்தர இன்பத்தைத் தரும்

8. மழலைப் பேச்சு : மகிழ்ச்சி தரும்

9. மங்கையர் பேச்சு : மயக்கம் தரும்

10.திமிர் பேச்சு :
   முட்டாள் தனத்தை பறை சாற்றும்.
   அறியாமையை,   கல்லாமையை,
    புரியாமையை வெளிச்சம்
    போட்டு காட்டும்

11.வீண் பேச்சு :
    நேரத்தை வீணடிக்கும்,
     விபரீதத்தை தேடித்தரும்,
    வம்புகளை வளர்க்கும்,
    வளர்ச்சியைத் தடுக்கும்

12. பயப் பேச்சு : பீதியைக் கிளப்பும்

13. கண்டனப்  பேச்சு :
   எதிர்ப்பையும், வெறுப்புணர்வையும்
    வெளிப்படுத்தும்

14.கவிதைப் பேச்சு : 
    கவர்ச்சி நிறைந்திருக்கும்

15 . பண்புப் பேச்சு : பயன் தரும்

16. பயனற்ற பேச்சு  :
     பலர் வெறுப்பைத் தேடித்தரும்

17. இனிமையான பேச்சு :
   வாழ்வில் உயர்வைத் தரும்.
   காரியம் கைகூட  வைக்கும்

18. தெளிவான பேச்சு :
    குழப்பத்திலிருந்து காக்கும்

19. நிதானப் பேச்சு :
      நாளும் நன்மையைத் தரும்

20. ஏளனப் பேச்சு, கேலிப் பேச்சு,
       கிண்டல் பேச்சு. இழிவுப் பேச்சு :  
      தற்காலிக இன்பத்தைத் தரும்

அத்தனையும் உள்ளடக்கியது
வள்ளுவரின் இனியவை கூறலும்,
பயனில சொல்லாமையும்..

நம் பேச்சு எவ்வகை
நம் சிந்தனைக்கு.......

நிரந்தரமில்லாத வாழ்க்கையில்
கொண்டு செல்ல ஒன்றுமில்லை இவ்வுலகில்...!!!

மனதில் ஆயிரம் வலிகள் இருந்தாலும்
நாம் சந்திக்கும் மனிதர்களிடம்
அன்பாகவும் இனிமையாகவும் பேசி
கடந்து செல்வோமே....!!!!

 

குடிமல்லம்

#குடிமல்லம்

எத்தனையோ முறை திருப்பதி சென்றுள்ளோம் . இந்த முறை சென்றால் தயவுசெய்து இக்கோவில் தரிசனத்தை மட்டும் தவறவிடாதீர்கள் உலகப் பழம்பெறும் சிவலிங்கத்தை தரிசனம் செய்த புண்ணியம் உங்களுக்கு கிடைக்கும். உங்கள் கர்மவினை முற்றிலும் நீங்கக்கூடிய வாய்ப்பு உங்களுக்கு கிடைக்கும். இதை தரிசனம் செய்த பல மனிதர்கள் வாழ்க்கையில் அத்தனை ஆனந்த திருப்பங்களும் வாழ்வில் பிறந்த பயனையும் பெற்றுள்ளனர் என்பது குறிப்பிடத்தக்கது.

ரேணிகுன்டாவில் இருந்து 12 கிமீ தொலைவில் உள்ள "குடிமல்லம்" எனும் கிராமத்தில் உள்ள "பரசு ராமேஸ்வர" ஆலயத்தில் கிமு மூன்றாம் நூற்றாண்டைச் சேர்ந்த லிங்க வடிவம் காணப்படுகிறது. இக்கோயிலில் உள்ள செங்கல் கிபி ஒன்றாம் நூற்றாண்டைச் சேர்ந்ததாக அறியப்பட்டுள்ளது. பல்லவர், பாணர், சோழர் கால கல்வெட்டுகள் காணப்படுகின்றன. இவற்றில் பழமையானது நந்திவர்மன் காலத்து கல்வெட்டு.

லிங்கம் 5 அடி உயரம். தடிமன் 1 அடி. லிங்கத்தின் தண்டு பகுதி 4 அடி. நுனியில் உள்ள மொட்டு 1 அடி. தண்டுப் பகுதியில் ஓர் வேடன் உருவம் வலது கையில் ஆட்டை தொங்கவிட்டும், மறு கையில் சிறு பாத்திரமும், தோளில் வேட்டை கோடரி (பரசு) யும் வைத்துள்ளவாறு செதுக்கப்பட்டுள்ளது. மார்பில் பூணூல் இல்லை. ஜடாமுடி தரித்துள்ளது. லிங்கத்தின் கீழ் யோனி பீடம் (ஆவுடை) காணப்படவில்லை.

எனவே அக்காலத்தில் சிந்து சமவெளி நாகரீகத்தில் இருந்தது போல தமிழ்நாட்டிலும் (இந்தியாவின் பிற பகுதிகளிலும்) " இக்கோவில் கலை காணப்படுகிறது.

பழமையான சிவலிங்கம் :-

உலகின் மிகப் பழமையான சிவ லிங்கம் 'ஹரப்பா' வில் உள்ளது.

அதற்கு அடுத்த பழமையான சிவலிங்கங்கள் தமிழகத்தில் மட்டுமே உள்ளன. 'குடிமல்லம்' என்ற இடத்தில் உள்ள சிவலிங்கம். பழைய எல்லைப்படி இது தமிழகம். இன்றைய எல்லைப்படி இது ஆந்திரா. ஆம் ரேணிகுண்டாவிற்கு அருகில் உள்ள ஊர்.
இந்த குடிமல்லம் சிவன் கோயில் ASI (Archaeological Survey of India) -ன் கட்டுப்பாட்டில் உள்ளது.

உலகில் சிவலிங்கத்தை ஆராய்ச்சி செய்பவர்களின் கருத்துப்படி இதுவே மிகவும் பழமையான சிவலிங்கம்.

ஆன்மீகத்தில் முன்னேற விரும்பும் ஒவ்வொரு மனிதனும் நிச்சயம் காண வேண்டிய சிவ ஸ்தலம்.
மிகவும் சாதாரணமாக இருக்கும் என்பதற்கு இந்த ஊர் சிவலிங்கம் ஒரு உதாரணம். மக்கள் யாரும் இந்த ஊருக்கு வருவதில்லை. நன்கு விஷயம் அறிந்தவர்கள் மட்டுமே இந்த ஊர் கோயிலில் உள்ள சிவலிங்கத்தை காண வருகின்றனர். உண்மை ஆன்மீகத்திற்கான திறவுகோல் இந்த சிவ லிங்கம். உண்மையில் தேடுபவர்களுக்கு மட்டுமே உண்மைப் பொருள் விளங்கும்.

இத்தனை முக்கியமான சிவன் கோயிலுக்கு மக்கள் வருவதே இல்லை. ஆனால் ரேணிகுண்டாவை தாண்டித்தான் லட்சக்கணக்கானோர் திருப்பதிக்கு செல்கின்றனர்.

அப்படி என்ன இந்த சிவ லிங்கத்தில் உள்ளது என்பது என்பதை காண ஆன்மீகவாதிகள் சென்று முன்னேற்றம் அடைந்துள்ளனர். ஆன்மீக முன்னேற்றம் பெற விரும்பும் ஒவ்வொருவரும் வாழ்கையில் ஒரு முறையாவது அந்த சிவலிங்கத்தை நேரில் சென்று தரிசனம் செய்ய தவறாதீர்கள்.

*ஓம் சர்வம் சிவார்ப்பணம்*

தினம் ஒரு மூலிகை

ஆரோக்கியமாகவும், நோயில்லாமலும் உடலை பாதுகாக்க பழரசங்கள், மூலிகைச்சாறு குடித்தல் நலம் பயக்கும். இதனால் உடல் வெப்பம் தணிவதோடு, மூலிகைகள், பழங்களில் உள்ள சத்துக்களால் உடல் நன்கு வலுப்பெறும். ஒவ்வொரு நாளும் நாம் அருந்த வேண்டிய உயிர் சத்துகள் நிறைந்த மூலிகைச்சாறு என்னவென்று பார்க்கலாம்.

*🍁திங்கள் – அருகம்புல்☘*

ஒரு பிடி அருகம்புல், மிளகு, சீரகம், உப்பு ஒரு சிட்டிகை வீதம் மூன்று டம்ளர் தண்ணீரில் போட்டு கொதிக்க வைத்து அது ஒரு டம்ளர் ஆனதும் காலை வேளையில் குடிக்க வேண்டும்.
அதிக இரத்த அழுத்தம், சர்க்கரை, கொலஸ்ட்ரால், தொந்தி போன்ற பிரச்சனைகள் குறையும். குறட்டை சத்தம் நீங்கும். முடி நன்கு வளரும். இளநரை நீங்கும். எப்போதும் சுறுசுறுப்புடன் இயங்க வைக்கும். இரத்த சோகை நீங்கி, இரத்தம் அதிகரிக்கும். சளி, சைனஸ், ஆஸ்துமா, நரம்புத் தளர்ச்சி, தோல் வியாதி போன்ற நோய்களை குணப்படுத்தும். புற்று நோய்க்கு நல்ல மருந்து. கர்ப்பப்பை கோளாறுகள் நீங்கும். மலச்சிக்கல், மூட்டு வலி நீங்கும்.

*🍁செவ்வாய் – சீரகம்☘*

இரண்டு டம்ளர் தண்ணீரில் ஒரு சிட்டிகை சீரகம் சேர்த்து கொதிக்க வைத்து ஒரு டம்ளர் ஆனதும் குடிக்கவும்.
இது இரத்தவிருத்தி மற்றும் இரத்த சுத்திகரிப்பு செய்யும் . ஆழ்ந்த உறக்கம் வரும். இளநரை, கண், வயிறு எரிவு நீங்கும். வாய் துர்நாற்றம், பற்சிதைவு நீங்கும். ரத்த மூலம், வயிற்று வலி , இருமல், விக்கல் போகும். பித்தம் அகலும், அஜீரணம், மந்தம் நீங்கும்.

*🍁புதன் – செம்பருத்தி☘*

இரண்டு செம்பருத்தி பூ
( மகரந்தம், காம்பு நீக்கியது), இரண்டு டீஸ்பூன் பனைவெல்லம், ஒரு ஏலக்காய், இரண்டு டம்ளர் தண்ணீரில் கொதிக்க வைத்து ஒரு டம்ளர் ஆனதும் குடிக்கவும்.
இதனால் பெண்களுக்கு கர்ப்பப்பை வலுப்பெறும். மாதவிடாய் கோளாறு, வயிற்றுப்புண், வாய்ப்புண், நீர் சுருக்கு, இருதய நோய் போன்றவை நீங்கும். முகப்பொலிவு பெறும். இரத்த விருத்தி, இரத்த சுத்திகரிப்பு அதிகரிக்கும். உடல் பளபளப்பாகும்.. தலைமுடி உதிர்தல் நீங்கி, முடி நன்கு வளரும்.

*🍁வியாழன் – கொத்துமல்லி☘*

ஒரு கைப்பிடி கொத்துமல்லி, ஒரு கைப்பிடி தேங்காய் துருவல், பசும்பால் கால் டம்ளர்( காய்ச்சி ஆற வைத்தது), இரண்டு டீஸ்பூன் பனைவெல்லம், ஒரு ஏலக்காய் சேர்த்து அரைத்து ஒரு டம்ளர் அளவு குடிக்கவும்.
அஜீரணம், பித்தம், இளநரை மறையும். இதய பலவீனம், மிகுந்த தாகம், நாவறட்சி, மயக்கம், வயிற்றுப் போக்கு, வாந்தி, தலைச் சுற்றல், நெஞ்செரிவு, எச்சில் அதிகமாக சுரத்தல், சுவையின்மை ஆகியவை நீங்கும்.

*🍁வெள்ளி – கேரட்☘*

ஒரு கேரட்(உள்ளங்கை அளவு), ஒரு கைப்பிடி தேங்காய் துருவல், பசும்பால் கால் டம்ளர்( காய்ச்சி ஆற வைத்தது), இரண்டு டீஸ்பூன் பனைவெல்லம், ஒரு ஏலக்காய் சேர்த்து அரைத்து ஒரு டம்ளர் அளவு குடிக்கவும்.
இரத்த சிவப்பணுக்களை அதிகரிக்கும். ஆண், பெண் மலட்டுத் தன்மையை சரி செய்யும் . கண்பார்வை தெளிவுறும். இதய சம்பந்தபட்ட நோய்கள் சரி ஆகும். முடி வளர்ச்சி அதிகரிக்கும். கல்லீரல், மற்றும் வயிற்றில் கற்கள் கரையும். மஞ்சள் காமாலை சீக்கிரம் குணமாக காரட் ஜூஸ் நல்ல மருந்து.

*🍁சனி – கரும்பு சாறு☘*

கரும்பு சாறு (இஞ்சி, எலுமிச்சை, ஐஸ் சேர்க்காதது) ஒரு டம்ளர் அளவு குடிக்கவும்.
உடலில் உள்ள கழிவுகளை வெளியேற்றும் ஆற்றல் பெற்றது. கழிவுகளில் ஏற்படும் துர்நாற்றத்தை போக்கும். மலச்சிக்கல் தீரும். காமாலை வராமல் தடுக்கும். உடல் பருமன், தொப்பை குறையும்.

*🍁ஞாயிறு – இளநீர்☘*

ஒரு டம்ளர் இளநீரில் ஒரு சிட்டிகை உப்பு போட்டு குடிக்க வேண்டும்.
உடல் வெப்பத்தைத் தணித்து குளிர்ச்சி அளிக்கும். இரத்தக் குழாயில் தேங்கி இருக்கும் அடைப்புகளை நீக்கும். இன்சுலின் சரியான அளவில் சுரக்க வைக்கும். வாதம், பித்தம், கபத்தைத் தீர்க்கும். விந்துவை அதிகரிக்கும். குடல் புழுக்களை அழிக்கிறது. பொட்டாஷியம், சோடியம், கால்சியம், பாஸ்பரஸ், இரும்பு, செம்பு, கந்தகம், குளோரைடு போன்ற தாதுக்கள் இளநீரில் உள்ளன. ஜீரண சக்தியை அதிகரிக்கும். மாத விலக்கின் போது ஏற்படும் அடிவயிற்று வலிக்கும், சிறுநீரகக் கல் கோளாறுக்கும் இளநீரே நல்ல மருந்து. சிறுநீரகத்தை  சுத்திகரிக்கும்.

_வாழ்க தமிழ், வளர்க தமிழ்... வெல்க சித்தர்கள் நுண்ணறிவு!!!_

*குறிப்பு:* நீங்கள் தெரிந்து கொண்ட விஷயத்தை உங்கள் நண்பர்களுக்கும் பகிருங்கள்.
_“யாம் பெற்ற இன்பம், பெருக இவ்வையகம்” வாழ்க வையகம், வாழ்க வளமுடன்.